February 25, 2014

Essay

ထုိုမြို့ကလေးကုို မေ့နေခဲ့သော အပြေးသမား ....
ဆောင်းလူ
ဖေဖော်ဝါရီ ၅၊ ၂၀၁၄

 


ထုိုမြို့ကလေးသည် ..ခုတော့ ...
တမာတွေ ဝေလုို့ အဖူးအညွှန့်တွေတောင် ဥနေပါရော့။ ထုိုမြို့ကလေးနှင့်အတူ ... ဤအချိန် တမာစိမ် ချဉ်ချဉ်ခါးခါးကုို မေ့လုိုက်သည့် ဖြစ်ခြင်း ..။ တမာနဲ့တွဲလုို့ ကုိုင်းထွက် ... မြေပုံသီး ငါးပိချက်ကုို ပုိုမေ့လုိုက်သည့် ဖြစ်ခြင်း။ မျှင်ငါးပိစိမ်းစားခပ်၊ မုိုးမျှော် ငရုတ် ရောယှက်ထားပြီး မြေအုိုးနှင့်ချက်သည့် ငါးပိချက်နှင့်အတူ ထုိုမြို့ကလေးကုို မေ့မိလုိုက်သည့် ဖြစ်ခြင်း ...။

မေ့ခြင်းတရားတုို့သည် ....
ပုို၍ ပုို၍...
ပုို၍ ပုို၍နှင့်အတူ ထုိုမေ့ခြင်းတရားတုို့သည် ....
ထုို့ထက် ပုို၍ ပုို၍ ....


ထုိုမြို့ကလေးတွင် နွေနေအောက်မှာ ကုိုင်းနံ့သင်းသည့် မြေပုံသီးတုို့ ပွတ်ခဲနေပေလိမ့်မည်ကုို မေ့နေခဲ့ပြီ ...။
မြင့်ခေါင် မြင့်မား တမာပင်တုို့သည်ပင် ... နွေလေရူးရူးအောက်မှာ .. ကျီစယ်သမှုအောက်တွင် ယိမ်းနွဲ့နေဦးမည်ကုို မေ့နေခဲ့ပြီ ...။

ထုိုမြို့ကလေးသည် အညာဟု မဆုိုနုိုင်။ သုို့သော် အညာရနံ့တော့ မကင်းနုိုင် ...။ ထနောင်းဆူးတုို့ ယှက်သန်းနေရာ ထုိုအရပ် ထုိုဒေသသည် ခုနေခါများတွင် မည်မျှ ပူလောင် ခြောက် သွေ့နေမည်ကုို မေ့နေခဲ့ပြီ ...။

ထုိုမြို့ကလေးနှင့် အနီးစပ်ဆုံး ဘ၀တလျှောက်တွင် အရင်းနှီးဆုံးအားကစားဖြစ်သည့် အပြေးသမားဘ၀ ... လေ့ကျင့်ခဲ့ရာ ... ဒဏ်ရာ ဒဏ် ချက်တွေ များပြားလှသည့် ကျောရုိုးရှည်လမ်းကြီးနှင့် ..၀ဲယာ ဘေးတလျောက်. ပင်ပျိုကျွန်းတုို့ မည်သုို့ ပုံပေါက်နေမည်ကုို မေ့နေခဲ့ပြီ ...။

မယ်ဇယ်တုို့သည် မည်သုို့ မည်ပုံ ပေါက်နေမည်ကုို မေ့နေခဲ့ပြီ ...။
ကုက္ကိုလ်တုို့သည် မည်သုို့မည်ပုံ ပေါက်နေမည်ကုို မေ့နေခဲ့ပြီ ...။
မန်ကျည်းတုို့သည် မည်သုို့ မည်ပုံ ပေါက်နေမည်ကုို မေ့နေခဲ့ပြီ ....။

ထုိုမြို့လေး၏ လင်းကြက်တွန်သံတုို့ကုို မေ့တတ်နေခဲ့ပြီ ...။
အရုဏ်မကျင်းမီ နံနက်ခင်း၏ ... အုန်းမောင်းသံနှင့် ပဲပြုတ်သည် အော်သံတုို့ကုို မေ့နေခဲ့ပြီ ...။

မြို့ပြင်က ထုံးစေတီ ဖြူဖြူလေးကုို မေ့နေခဲ့ပြီ ...။
အဝေးကပင် မြူမှုန်မှုန်တုို့ ချယ်သထားသည့် ထန်းတောတန်းကုို မေ့နေခဲ့ပြီ ...။

ကျောက်စရစ်ထူထပ်သည့် ထုိုမြို့လေးကုို မေ့နေခဲ့ပြီ ...။
ဖုန်သဲ ထူထပ်သည့် ထုိုမြို့လေးကုို မေ့နေခဲ့ပြီ ...။
မြို့အ၀င်ထွက်က သံဘောင်ကျင်း တံတားလေးကုို မေ့နေခဲ့ပြီ ...။
မြို့အစွန်ဘက်က သုဿာန် တစပြင် သင်္ချိုင်းလေးကုို မေ့နေခဲ့ပြီ ...။

ထီးထီးတည်ရှိသည့် ထုိုမြို့ကလေးတွင် ... ရောဂါမဟုတ်ပါပဲနှင့် မေ့လျော့နေသူ အများအပြားရှိကြလေသည် ...။ ထုိုသူတုို့သည် ... ဒဏ်ရာ ဒဏ်ချက်များ ပြည့်နှက်နေသည့် လမ်းမပေါ်တွင် ဟုိုဟုိုဒီဒီ ဥဒဟုို လျှောက်လျှက်ရှိသည် ...။

ကျွနု်ပ်သည် ထုိုသူများထဲမှ တဦးဖြစ်လေသည် ..။ လျှပ်ပေါ်လော်လီကာ ဘောင်းဘီခွကြားဝတ်လျှက် ခုထက်ထိ မေ့တတ်နေသေးသည် ..။ ထုို့အတူ မြို့နှင့် ဆန့်ကျင့်ဘက်အရပ်ဆီမှနေ၍ တရားမ၀င် လွမ်းပြနေတတ်သေး၏ ...။

မျှော်မြင်ညဏ်နည်းမှုအလျောက် ပြေးခဲ့ရာကုို မုန်းတီးခဲ့မိသည့်အလျောက် ... ထုိုမြို့လေးသည် ဓားစာခံဖြစ်ခဲ့ရလေသည် ...။

တရားမ၀င် လွမ်းပြနေခြင်းတုို့သည်ပင် ..ကျွနု်ပ်အား ... မေ့တေ့တေ့ ..။ ထုို့အတူ ..ထုိုမြို့လေးပေါ်တွင် မေ့တတ်သော ..အပြေးသမားတယောက်ရှိခဲ့ဖူးခြင်း ဖြစ်သည် ...။

No comments: